Notte di Patimenti

by Maffio Venier

3 Notte di Patimenti Maffio Venier XVI Soneti Indice:Poeti antichi del dialetto veneziano 2.djvu Altra edizion: Tra la rabbia, la stizza, e tra 'l martelo (1993)

Maffio Venier

Notte di Patimenti

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: Tra la rabbia, la stizza, e tra 'l martelo (1993)

NOTTE DI PATIMENTI

Tra la rabia, la stizza e tra 'l martèlo,
     Tra i pulesi che m'à martirizao,
     Tra 'l caldo che m'à mezo sofegao,
     Tra l'esserme alzà su in tel più belo,

Tra l'averme becà fin el cervelo,
     E tra mile e e più sorzi sora el cao
     Che me roba el stopin ben ìmpizzao,
     E tra 'l cantar d'un strepitoso oselo,

Tra 'l vegnirme una vogia de pissar
     E aver paura de no far romor,
     E là star fermo a costo de crepar,

Tra 'l star col naso sora el cagaor,
     E tra 'l longo aspetar, fin de cagar!
     Oh che note che ò bu da imperator!