Note d'Agosto

Da Wikisource
Vai alla navigazione Vai alla ricerca
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Note d'Agosto
musicà da Sandro Fuga (1971)
XIX secolo

 Edission original:   

Riccardo SelvaticoCommedie e Poesie Veneziane, a cura de Antonio Fradeletto, Milano, Fratelli Treves editori, 1910

 Fonte:

Indice:Selvatico - Commedie e Poesie Veneziane, Milano, Treves, 1910.pdf

Edission e fonte ▼
[p. 266 modifica]
NOTE D’AGOSTO.


Do baloni de carta in t'un batelo,
     La vose de un’armonica lontana,
     Dal Lido quieto quieto un venteselo,
     San Zorzi in fassa e in fianco la Dogana,

La luna in alto, che da mezo el cielo
     Se specia in aqua come ’na sultana,
     La gondola che passa e che bel belo
     In fregole la manda e se alontana:

E mi sul Molo pensieroso intanto
     Che vado tormentandome a dar viva
     Tuta la poesia de quel’incanto,

El fis-cio sento de un vapor che ariva
     E sento l’onda che de tanto in tanto
     Vien per burlarme a s-ciafizar la riva.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Note_d%27Agosto&oldid=72963"