Nina, dal caldo no se pol più star

by Gian Giacomo Mazzolà

3 LXXII I cavei de Nina LXXI LXXIII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LXXII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LXXI

Edission e fonte ▼

LXXIII  →

LXXII

Nina, dal caldo no se pol più star,
     Se va tuti in suor, son sobogìo.
     Vustu che in bateleto andemo a Lio
     4A chiapar aria un poco e respirar?

Andemo. Oh quanto mai che à da restar
     Le fie del mar vedendote, ben mio!
     Sbalzarà fora tute a gara, e un nio
     8Le te vegnarà tute atorno a far.

Ele che à fato tanta amirazion
     Per l'onde soe mai prima navegae
     11Vedendo el velo d'oro de Giason,

Pensa, vedendo i to Cavei, che assae
     Più de quelo xe biondi e par più bon,
     14Se le ga de restar maravegiae!