Nina
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← Inveçe del ritrato | Edission e fonte ▼ | El comò → |
NINA
T'ò vista, un ano fa, tanto strassada[1]
Che te fasevi proprio compassion;
E disèa fra de mi: che malandada,
Par colpa de so pare imbrïagon![2]
Ma istesso, alora, t'avaria basada[3]
Come se basa un santo in zenocion,
Parchè te me piasevi e no badava
Al to vestito, sbriso,[4] de coton.
E quando ieri a spasso t'ò incontrà,
Nel vèdarte in capel e in mantelina
Te giuro mi che son restà incantà.
Mi te guardava inamorado coto....
Ma quando, un toco in là, ò sentì «ps, Nina?»
Ò smorsado[5] l'amor in fondo al goto!
- Note