Negoziante in picolo
|
Edission original: |
Umberto Spanio, Un toco de vita veneziana, Poesie in dialeto de Grilo, Venezia, Tipografia Antonelli, 1890 |
|
Fonte: |
Indice:Un toco de vita veneziana, Venezia, Antonelli, 1890.pdf |
| ← Solita antifona | Edission e fonte ▼ | Fra veci → |
Qua done da San Rasmo i pomidoro,
Qua sarese, qua fragole a bon pato —
Ste fragole per quanto, el diga moro? —
Un francheto parona — Xelo mato? —
Ma la senta che odor, che 'l xe un ristoro —
Quel che 'l vol; ma anca un franco! — Xelo un stato? —
Ghe ne dago setanta — No, tesoro,
Le me costa più a mi, questo xe un fato —
Va ben quel che go dito e più no spendo —
Mora, la vegna qua, femo i novanta —
Ah che discorar tanto mi no intendo —
La vegna qua; ghe molela 'na sćianta?
Zo, femo otanta — Oh torno via corendo! —
Zo, zo, parchè i xe i primi, qua i setanta —