Navigatio Sancti Brendani/04

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Navigatio Sancti Brendani
(versione veneta)
IV
traduzion in volgare veneto del '400 del Manoscritto d'Alençon, testo latin del X-XI secolo
XV secolo
←  III Edission e fonte ▼ V  →

Et abiando benedido lo porto [e] li so' frari, elo sì li aparete tre frari de lo so monestier. E como elli fo da lui, eli se gità zoso in tera a pruovo de li so' piè, digando cusì: "O pare, o pare, lasane vegnir con ti o' che tu voi andar; e se tu non ne lasi vegnir, nu' moriremo qua cusì in questo luogo da fame e da sede. E sepi che nui avemo ordinado infra de nui de pelegrinar tuto lo tenpo de la nostra vita". E vegando lo santo la soa angustia, sì li comandà ch'eli debia intrar in nave digando: "Sia como vui volé, belli fioli mie'". E puo' li dise cusì: "Io sè como vui se' vegnudi; questo frar sì à fato bone ovre, in veritade Dio li à apariado molto buon luogo e a vui do rio luogo e tenebroso".

E in quela fiada san Brandan montà in nave, e abiando destesa la vela, eli comenzà a navegar contra mezodì, e ave de presente bon vento, e non li besogna se no tegnir la vela in ordene: e cusì andà xl dì, (e in cavo de li xl dì) lo vento zesà e besognàli navegar e tanto navegà de longo, che eli fo stanchi e ch'eli non podeva plui lavorar. E de presente san Brandan li comenzà a confortar e amonirli, digando cusì: "O frari mie', non abié paura, ché Dio s(i) è nostro rezedor e nostro governador, e perzò ch'elo ne darà ben quelo che ne averà besogno. Onde logé tuti li remi in nave e le oltre cose de la nave in li suo' luogi e lasé su la vela destesa, e Dio faza zo ch'elo voi de li so' servi e de questa nave".

Ed eli senpre manzava da vesporo e la nave pur se moveva, perché ogno vento la menava via.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Navigatio_Sancti_Brendani/04&oldid=42476"