Nadal del 15

by Attilio Turco

3 Nadal del 15 Sonetti Veronesi Sonetti Veronesi/Parte V - Trento e Trieste Dopo la bomba La spesa (2) Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte V - Trento e Trieste

Nadal del 15

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Dopo la bomba

Edission e fonte ▼

La spesa (2)  →

NADAL DEL 15

Come ho passà 'l Nadal? Tuto in fameia;
     Me muier la m'à fato un bon risoto,
     L’à sbatudo ’n polame ’n te ’na teia,
     E fogo par de sora e par de soto...

Co’ 'n'udorin che l’apelito 'l sveia,
     Semo sentadi a tola, èrimo^[1] in oto;
     Gh’era un vineto proprio da far jeia^[2]
     E mi ghe n’ò bevù de più de un goto;

El nadalin^[3] l’à coronà la festa,
     Avemo fato un poca de alegria...
     Ma dopo, ’n’è vegnudo par la testa

El pensier dei fradei che gh’emo via,
     Che ci sa quanto ancora che i ghe resta...
     Parchè no’ se sa mai, come la sia!...

---

Note

1. èrimo ― eravamo;
2. jeia ― allegria, baldoria;
3. nadalin ― dolce (specialità veronese).