Nadal (Vittorio Vitturi)

by Vittorio Vitturi

3 Nadal Strade e vicoli Santa Lussia Ludro Vittorio Vitturi 1907 XX Poesie veronese

Indice:Strade e vicoli.djvu

Vittorio Vitturi ―  Strade e vicoli

Nadal

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  Santa Lussia

Edission e fonte ▼

Ludro  →

NADÀL

     Se mi fusse un signoron,
In sta festa così bela,
Oh, voria mostrarme bon,
Métar man a la scarsela;
Far che tuti i se godesse
Anca quei che no podesse.

     Vorìa far ne la me sala
Un presepio da mirar,
Col bambin Gesù in la stala
Tanto belo da basàr:
Tuto pien de regaleti
Par i pori puteleti.

     E tra i sòni de i violini,
Come i canta su nel Ciel,
Se scoltasse de i putini
A cantar el ritornel:
“Gloria a Dio e pace in tera
A ci pianse e se despera!„

     Vorìa dar un bel pranseto
Col so bravo nadalin,
Con du goti de vin s-ceto¹
Da scaldarse un pochetin;
Che i pitochi, al mancomal,
I passasse el so Nadal!

---

Note

1. [p. 102]S-ceto: schietto.