NADÀL
Se mi fusse un signoron,
In sta festa così bela,
Oh, voria mostrarme bon,
Métar man a la scarsela;
Far che tuti i se godesse
Anca quei che no podesse.
Vorìa far ne la me sala
Un presepio da mirar,
Col bambin Gesù in la stala
Tanto belo da basàr:
Tuto pien de regaleti
Par i pori puteleti.
E tra i sòni de i violini,
Come i canta su nel Ciel,
Se scoltasse de i putini
A cantar el ritornel:
“Gloria a Dio e pace in tera
A ci pianse e se despera!„
