Mondo, da ti me parto, e me la batto
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Gavè rason de dirme, siora Mare | Edission e fonte ▼ | Mi no sò chi sia stà mai quel bravazzo → |
Mondo, da ti me parto, e me la batto,
E me vago a serrar in t'un Convento,
Che mi no voggio metterme a cimento
4Ogni dì de combatter con un matto.
Co ti no se puol far alcun contratto,
Ti manchi de parola ogni momento,
No ti osservi gnessun proponimento,
8Diman ti desfi quel, ch'ancuò ti hà fatto;
Ti metti in vista dei gran beni, e pò
Se trova delle spine sotto i fiori,
11Nè un gusto mai ti dà, che fazza prò;
Ma, s'anca no se dasse dei dolori,
Co ti no ghe starave, perchè sò,
14Che no se puol servir a do signori.
“Da ti no voggio onori,
Per Verginia più no voggio esser chiamada,
17Per poder scognossua star là serrada”.
La coda è stata aggionta d'altro Autore.