Me sento una smania

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.

[p. 406 modifica]

Me sento una smania,
     Me sento un brusor
     Nel cuor, ne le viscere,
     4A darme dolor.
Procuro l'origine
     Saver de sto mal,
     Nè arivo a comprender
     8La causa fatal.
Che 'l fio mai de Venere
     M'avesse ferio?
     I dise che perfido
     12Xe in fati quel dio;
Che 'l solo so studio
     Xe tesser ingani
     Per veder i omeni
     16In pianti, in afani.
O' visto una femena
     Un dì d'acidente
     A un logo che pratico
     20Sentarmese arente;
Con tuta modestia
     Discorso ò con ela,
     E ò visto con genio
     24Che assae l'era bela.
M'à piasso l'amabile
     Grazioso so far,
     M'à piasso el melifluo
     28So dolce parlar.
Ah sì! senza dubio,
     Cupido xe questo
     El qual con insidia
     32Colpir m'à volesto.
Epur gera solito
     Vantarme che Amor
     No à mai possù iluder
     36El sciolto mio cuor.
Aimè! tropo incauto
     Vantava sto ben;
     E lu, tuto invidia,
     40M'à dà sto velen;
Velen che ne l'anima
     Me dà gran tormento,

     E sempre più a crescer,
     44Meschin, me lo sento.
Con ela trovandome
     El sangue m'impizzo,
     Patisso a no vederla,
     48Me irabio, me istizzo;
Oh Dio! se la barbara
     No sente pietà,
     De mi miserabile
     52Mai cossa sarà?
Se mai per disgrazia
     Quel cuor xe ritroso
     Finio go de viver;
     56Mi moro rabioso.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Me_sento_una_smania&oldid=47768"