Gh'era fresco nel bosco, e in meso a i ciari
fati dal sol traverso via le foie,
le pignete cucià1 su l'erbe moie,
le ghe dava el bon giorno ai castagnari.
Quà se stà chieti, fora da i afari,
no gh'è passione drento che ne boie,
no gh'è teatri che ne fa le voie
e se sta ben sentà su sti sentari.
Gh'era un campo lì a rente; da distante
l'arietina zugava sul sarfoio,2
e i bâi3 se destacava da le piante...
L'ho ciapada a la vita e quante e quante
cose g'ò dite col çervel de boio...
La m'à risposto: te lo fe' con tante!?
