Soto l'ombrèla

by Berto Barbarani

3 Soto l'ombrèla I due canzonieri I due canzonieri/Libro III - Le montebaldine La càmara de i sposi Matina de bosco Berto Barbarani 1900 XIX Poesie veronese

Indice:Berto Barbarani, I due canzonieri, 1917.pdf

Berto Barbarani ―  I due canzonieri  ― Libro III - Le montebaldine

Soto l'ombrèla

1900

Edission original:	Berto Barbarani, I due canzonieri, Verona, P. Apollonio, 1917
Fonte:	Indice:Berto Barbarani, I due canzonieri, 1917.pdf

←  La càmara de i sposi

Edission e fonte ▼

Matina de bosco  →

SOTO L'OMBRELA.

     Piovea! – Sora l'ombrela
la piova la ciocava
e i oci mei de mi con quei de ela
par soto i se incontrava.

     E mi pensava: adesso
se el maestro me vede,
corpo de un can, che 'l me ne fa un processo
che nissuni lo crede...

     E quel'altra, scansando
le boteghe più ciare:
«Sior, sior» ― la me disea ― «me racomando,
che no cata me mare!»¹

     E mi, furbo, par ela
e un poco anca par mi,
pronto co i oci a manovrar l'ombrela,
par così e par così...

     Sempre svelti col passo
la ciapavimo tuta;
el çervel me disea: bùteghe el sasso,
quel'altra disea: buta...

     Fin che un colpo dal caso,
g'ò strucಠel brasso drito...
Epur, no so sta bon de darghe un baso...!
Cissà cosa l'à dito?!

---

Note

1. mare: madre.
2. strucà: stretto.