Margarita e Febo

by Attilio Turco

3 Margarita e Febo Sonetti Veronesi Sonetti Veronesi/Parte III - Verona Barufa de done El voto a le done Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte III - Verona

Margarita e Febo

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Barufa de done

Edission e fonte ▼

El voto a le done  →

MARGARITA E FEBO

Margarita, un bel loco de putela,
     De drio e davanti roba che ghe pesa,
     La vegnea zo pian-pian da la Biondela
     Verso Borgo Venessia, a far la spesa.

Quandò l’è stada in fondo a 'na stradela,
     Salta fora dal buso de ’na sesa,
     Sensa ne’ musarola, ne' cordela,
     Alegro Febo, el can del sior Siresa.

E li ’l scominsia a farghe feste intorno
     E de basarla el mostra ’na gran voia;
     Màlgari¹ la ghe dise: — ciao bon giorno:

Va a casa, fiol... che no te cata el boia!
     A sentir sta parola l’è sta fata:
     Febo ’l g’à morsegado² ’na culata!

---

Note

1. Malgari ― Margherita;
2. morsegado ― morsicato.