El voto a le done

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
El voto a le done
1924

 Edission original:   

Attilio TurcoSonetti Veronesi, Verona, Tipografia Operaia, 1924

 Fonte:

Indice:Attilio Turco - Sonetti Veronesi.djvu

←  Margarita e Febo Edission e fonte ▼ Luna de miel  →
[p. 75 modifica]
EL VOTO A LE DONE


Serti i se tol pensieri che a le done
     Ghe stà dado el parmesso de votar;
     E i tira a man 'na mota de questione,
     Come che ’l mondo fusse drio cascar!

Mi credo invesse che le para bone,
     Quando che l’omo l’andarà al seciar1
     E a far i leti e a sbàtar le poltrone
     E a drio al camin, par farse da magnar!

Alora vedaremo in Parlamento
     ’Na mota do barufe e de bordei;
     Nei Municipi vegnarà ’l momento

Che le se ciaparà par i cavei....
     E l'omo, deventà dona de casa,
     Bisognarà, par no bruscar,2 che ’l tasa!



Note
  1. seciar ― secchiaio;
  2. bruscar ― prender botte.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_voto_a_le_done&oldid=71593"