Le pute de San Lunardo
|
Edission original: |
nissuna edission indicà |
|
Fonte: |
http://utenti.lycos.it/laltraitalia/Testi/Amore/LePuteDeSanLunardo.htm |
| Edission e fonte ▼ |
Le pute de San Lunardo
g'ha le gambe de bombàso
e quando che le camina
le se ghe storse le se ghe inchina
la la la...
E quéle de Rialto
le va in giro col taco alto
le se volta par de drìo
vede quel béco de so marìo
la la la...
E quéle de la Bràgola
le g'ha l'oro che ghe bàgola,
le g'ha i cotoli ricamai
i marineri ghe li g'ha pagài
la la la...
E quéle de San Lìo
le va in leto sensa marìo,
le fa fiòi alegramente
so marìo no ghe dise niente
la la la...
E quéle de San Marcuòra
le g'ha l'abito che ghe svola
le g'ha el còtolo de saco
camisa al cuno no ghe ne cato
la la la...
E quéle de qua drìo
loro le porta la bustina
larga abasso e streta in cima
perché peti no ghe ne g'ha
la la la...
E feghe la nìo-nana,
con quatro bachete se bate la lana
e con tre se bate la séa
viva le pute de Sant'Andrea
la la la...