Le invensioni

by Attilio Turco

3 Le invensioni Sonetti Veronesi Sonetti Veronesi/Parte IV - El mondo Mi siòlo Pensieri e strussie Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte IV - El mondo

Le invensioni

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  Mi siòlo

Edission e fonte ▼

Pensieri e strussie  →

LE INVENSIONI!

E’-lo ’n afar con tute ’ste ’nvensioni
     Par dar la morte a serte bestiolete,
     Che le và ’n te i stramassi¹ e 'n te i paioni²
     E in te i lastici e in mezo a le forete?

I pori stramassari³ no j-è boni
     De far giornada! Se no i la desmete
     Sta gente che se dà par sapientoni,
     Ghe tocarà de vendar le bachete!

'Sti simesi e ’sti pulsi, in fondo in fondo,
     Par becar e ciuciar, come serchemo
     De far noaltri, j-è ’stà messi al mondo;

Se la Rassia⁴ par lori doparemo
     Cossa disio che ghe vorea, fioi cari,
     Par serti che no bate i stramassari?

---

Note

1. stramassi ― materassi;
2. paioni ― pagliericci;
3. stramassari ― materassai;
4. Rassia ― Razzia: polvere insetticida.