La veceta
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← Verona | Edission e fonte ▼ | El vetural de piassia → |
LA VECETA...
Se incontro 'na veceta1 par la strada
Co’ la sportina rota soto ’l brasso
E ’l fassolon in testa, vecio e strasso,
Che ’l sconde via, la còtola2 sbregada,
Vao3 so dal marciapiè, par darghe ’l passo,
E ’n te ’l me cor, me sento ’na strucada,
Penso, dentro de mi: che la sia stada
Qualche siora, de quele andade al basso?
E se la fusse nata ’na pitoca?4
Misaricordia, quanto tribolar,
Par poder 'vèrghe un pan, da trarse in boca!...
Ancò la g’à bisogno de ponsar,5
Ma, pora vecia, par magnar ghe toca,6
Co la sportina, andarsene a catar!
- Note