La sagra dei discolzi

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
La sagra dei discolzi
1882
Edission e fonte ▼

L'ano mileotozento e otantado nel mese de zugno i regazzi d'un borgo de Foian, che i lo ciama Cornat, s'avea metù in testa de 'ver anca lori un bal comòdo quei de la vila. Alora xè 'nda in podestaria una deputazion de lori, par domandar al permesso del bal. No essendo al podestà, al capocomun ghe dise: "Cossa volè balar, v'altri cornatari, che se tuti discolzi". E no ghe iera sta dat al permesso, calcolando che lori no iera solventi par le spese. E l'ora i à parla co l'oste de quel borgo e lui ghe à fat la garanzia. Al bal xè sta fat, xe vignù tanti foresti che xè sta fat un incasso sul bal che no i se spetava, parchè i foresti credeva proprio par vero che i varia balà discolzi.



Era 'l sabo de la sagra,
se capissi dei discolzi,
sti regazi squasi bolsi
4stan slargando al bregàr.

Se lavora dì e note,
par far bel sto gran paese,
e no se varda par le spese,
8che ghe tocarà pagar.

La domeniga matina,
tut al borgo xe in festa,
e i à squasi pers la testa
12e no i sa più quala far.

Le parone de le case
le xe tute in gran fazende,
preparando le merende,
16par i rivadi che sarà.

Là s'un tuti i fogolari
'na galina xe in ta la zita,
par darghe un poc de vita
20al magnar de sto gran dì.

Quando sona la canpana,
al disnar xe su la tola,
nissun dise 'na parola,
24par la granda comozion.

Al magnar de sto gran zorno,
al xe como quel dei siori,
xe de iusto che anca i pori
28una volta à de magnar.

A le quatro ore in punto,
xe rivà la banda intiera
cun dinanzi la bandiera
32cu la stema del Cornat.

Qua se bala, qua se salta,
comodo tanti mati,
no pensando a altri fati
36che a saltar como cavrioi.

Xe rivada tanta zente,
e anca tanti balarini,
a lassar tanti fiorini
40che in ta 'l doman i li spartirà.

Eco al luni de matina,
i xe tuti in ostaria,
par spendar cun ligria
44tuti i bezi che xe vanzà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_sagra_dei_discolzi&oldid=42279"