La riflessione

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
La riflessione
XVIII secolo

 Edission original:   

Collezione delle migliori opere scritte in dialetto veneziano, Volume primo: Poesie di Anton Maria Lamberti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817

 Fonte:

Indice:Collezione delle migliori opere scritte in dialetto veneziano 1.djvu

Edission e fonte ▼
[p. 16 modifica]
LA RIFLESSIONE


Chi se ajuta a minchionarse
     El piacer lo gusta più:
     L'artifizio de inganarse
     4Xe a le volte una virtù.
Mai vedè sortir l'Aurora
     Come in versi la lezè;
     Mai cussì no la vien fora;
     8L'è un ingano, ma godè.
Se quel baso a Nina bela
     No avè dà proprio col cuor,
     No xe arzento de copela
     12Le carezze del so amor.
La se ingana, e pur la gode;
     Vu godè, ve minchionè;
     Monea falsa paga e scode
     16L'uno e l'altro; ma godè;
Credè quela un'Eloisa,
     Deventè sentimental;

[p. 17 modifica]

     No se' tali po' in camisa,
     20Ve inganè, ma no stè mal.
Co gh'è un giozzo de riflesso;
     Schiao patroni sior piacer;
     Trovè el vero tropo spesso
     24Che no è molto lusinghier.
Minchionarse, minchionarse;
     Cari amici, se se pol;
     Za se ariva a sminchionarse;
     28E xe alora che ne dol.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_riflessione&oldid=68227"