La pelissa
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← El vin | Edission e fonte ▼ | La fortuna → |
LA PELISSA
I m'à rostido,1 fioi, la me pelissa
Ma ’l ladro ’na fortuna ’no l'à fato,
Parchè, si ben che l'era mora e rissa,
Se la vedea, che l’era pel de gato...
E no ve digo che no ghe patissa:
Son corso a denunziarla al delegato,
Che ’l m’a dito: — bisogna che ’l capissa,
Che ’l ladro, a st’ora, el sarà zo de stato! —
Mi me son rassegnado a sta parola;
E ò dito: ormai no’ la me fa più gola!...
E po’ la me intrigava a far le scale...
E me tocava sempre andar a pian;
Con quel poco de gato su le spale
I me credeva tuti un pesse-can!
- Note
- ↑ rostido - rubata.