La fortuna (Attilio Turco)
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← La pelissa | Edission e fonte ▼ | Spiansisi → |
LA FORTUNA
Bati! bati! — Ci bate a la me porta?
— Son la Fortuna, verzi, varda qua...
— La Fortuna? de ti no me ne importa,
Ormai l’è tardi... càtetela,1 va! —
— No! Lassa che te juta e te conforta;
De ti fin ’desso m’ò desmentegà,
Ma, par far pace, t'ò portà ’na sporta
De tute le più bele rarità! —
— No voi gnente... g'ò presto sinquant'ani,
Ormai de fasso sensa anca de ti;
Ancò me fioi j-è grandi, forti e sani
E i fa quel che i vol lori, come mi!
L'è meio che te spari la fadiga...
Se anca te bati.. no te verzo miga!
- Note
- ↑ catetela - tira diritto per la tua strada.