La modestia
|
Edission original: |
Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845 |
|
Fonte: |
| Edission e fonte ▼ |
Altra edizion: La Modestia (1817)
LA MODESTIA.
Saver, e superar quela passion
De voler che se sapia che se sa,
Xe una virtù che pochi doti ga
4Perchè la sepelisce l'ambizion.
Astio, possesso, invidia, presunzion,
Par i carioli de l'ilumìnà,
Che ghe va rosegando l'umiltà,
8E con quela el conceto e l'opinion.
Nobiltà con coltura e tere e bezzi
Xe un gran brilante d'aqua bela e fondo;
11Sola, xe un crestalon, ma tuto in pezzi.
Senza modestia un spirito profondo
Scuode, in vece d'onori, odj e disprezzi
14Con quela l'è stimà da tuto el mondo.