Pagina:Raccolta di poesie in dialetto veneziano 1845.djvu/139

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


L'UMANITÀ.


Tuto me fa tremar; basta un sorzeto
     Che se fazza sentir, no dormo più;
     Al morto, al ton, a l'urto, a l'oh, a l'uh
     Palpita el cuor, e se me sera el peto,

Che giova aver assae leto e rileto
     Se in pratica po va col culo in su
     Le acquistade nozion? Len serve a nu
     De solo filosofico dileto.

Misera umanità! Altro ghe vol
     Che stoiche, che academiche bravure,
     Chiamar quiete el morir, feral el Sol!

Co semo al ponto, ste nostre colture,
     Che tanto quà se stima e che ne pol,
     Ne fa più porchi de le altre creature.


IL VENEZIANO ALLA CAMPAGNA


El Venezian quando in campagna el va
     L'a bagagio per tute le stagion,
     El passa la laguna col barcon,
     4Co l'è a tera l'è tuto consolà.

Avanti che la cubia sia tacà
     El paga: el basa, el cria, e in confusìon
     A caro prezzo el vol far provision
     8De tuto quel ch'el vede e quel ch'el sa.

El marchia come che i ghe dasse drio,
     Nol vede l'ora a casa de arivar;
     11E co l'ariva el gusto xe finìo.

El disna, e se nol trova da zogar,
     Dopo aver spassizà, fumà, dormìo,
     14El sbadagia, e nol sa cossa più far.


IL POETA


Me seca molto certi laureati
     Co i se mete a parlar de la poesìa.
     Chi dise: Per un bezzo la darìa,
     4Che i versi de parole xe barati;

Chi dise: L'è un mistier da zovenati;
     Chi me dise: L'è un tempo butà via;
     Chi: La xe solenissima pazzìa,
     8Che xe i poeti tuti quanti mati.

Chi la fa de le scienze la corona,
     Mare de l'estro e del divin furor,
     11Domatrice dei barbari, o patrona.

Mi digo: Xe el poeta un ligador;
     Se la zogia xe falsa el ve cordona,
     14Se la xe bona el ghe cresce el valor.


LA MODESTIA.


Saver, e superar quela passion
     De voler che se sapia che se sa,
     Xe una virtù che pochi doti ga
     4Perchè la sepelisce l'ambizion.

Astio, possesso, invidia, presunzion,
     Par i carioli de l'ilumìnà,
     Che ghe va rosegando l'umiltà,
     8E con quela el conceto e l'opinion.

Nobiltà con coltura e tere e bezzi
     Xe un gran brilante d'aqua bela e fondo;
     11Sola, xe un crestalon, ma tuto in pezzi.

Senza modestia un spirito profondo
     Scuode, in vece d'onori, odj e disprezzi
     14Con quela l'è stimà da tuto el mondo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Raccolta_di_poesie_in_dialetto_veneziano_1845.djvu/139&oldid=59347"