La mia morosa (1875)
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← Prefazione ai Sonetti | Edission e fonte ▼ | L'antitesi → |
LA MIA MOROSA
Me son proposto cento volte e cento
De far da omo e no voler cantar:
Ò zurà de mai più scarabociar,
De butar libri e scartafazzi al vento.
Ma cossa giova el mio proponimento
Se la Musa me vien a stuzzegar?
Disè vu altri: cossa oi mo’ da far?
La mando fora e la me torna drento.
In sete mesi la m’ha fato un fio:1
De tanta vena e tanto morbinosa,
Che dubito mi stesso che ’l sia mio.
Per questo el capelan vol che la sposa,
Ma ghe rispondo: „Caro pre’ Matio,
No basta che la sia la mia morosa?“
- Note
- ↑ „Le Maravegie e Delizie d’un cafè,“ che non figurano nella presente raccolta.