Pagina:Rime in dialetto veneto di Polifemo Acca.djvu/45

Da Wikisource
Sta pagina la xe stà trascrita, ma la gà ancora da vegner rileta.
LA MIA MOROSA


     Me son proposto cento volte e cento
De far da omo e no voler cantar:
Ò zurà de mai più scarabociar,
De butar libri e scartafazzi al vento.
     Ma cossa giova el mio proponimento
Se la Musa me vien a stuzzegar?
Disè vu altri: cossa oi mo’ da far?
La mando fora e la me torna drento.
     In sete mesi la m’ha fato un fio:1
De tanta vena e tanto morbinosa,
Che dubito mi stesso che ’l sia mio.
     Per questo el capelan vol che la sposa,
Ma ghe rispondo: „Caro pre’ Matio,
No basta che la sia la mia morosa?“

  1. „Le Maravegie e Delizie d’un cafè,“ che non figurano nella presente raccolta.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Rime_in_dialetto_veneto_di_Polifemo_Acca.djvu/45&oldid=71087"