La divota
|
Edission original: |
Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845 |
|
Fonte: |
| Edission e fonte ▼ |
Go qualche poca
De divozion,
No sta a mi a dirlo,
Ma in zenochion
5Sia dì de festa,
O de laorar,
Sempre tre messe
Vago a ascoltar;
Perdoni, vespari,
10Chiesa, confesso,
Come so solita,
Frequento spesso;
Senza rosario
Gnanca un dì passo,
15E se gh'è predica
Mai no la lasso.
De la mia nascita
No digo gnente,
Che in fondi el nascer
20L'è un acidente;
Per altro solo
Che mi disesse
La mia casada,
Chi è che gavesse,
25Fusselo ancora
Marchese o conte,
Tanta albasia
Da starme a fronte?
Co le mie azion
30So de no dar,
Grazie al Signor,
Da far parlar.
Vita modesta
Più de la mia
35No credo certo
Che la ghe sia.
Sguazzi e scialacqui
I me vien su:
El so bisogno,
40Gnente de più.
Come el profonder
Lo disaprovo,
Cussì el sparagno
Me piase e aprovo.
45In casa tuti
Soto li tegno,
Ch'altri comanda
Mi no me degno.
Vogia, o no vogia,
50Fioli, mario,
E servitori,
Al genio mio,
Ai mii comandi,
S'à da adatar.
55Guai se i tentasse
De contrastar!
In mi de tristo
Certo no vedo
Che ghe sia un ete;
60Anzi mi credo
Che tra le femene,
Per quanto i prova,
Una compagna
De mi no i trova,
65Che possa el prossimo
Rimproverar,
E dai so vizii
Zoso tirar.
.jpg)