La cresema

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
La cresema
1857-58
←  El chierico stolido Edission e fonte ▼ El zarlatan  →


[p. 83 modifica]
LA CRESEMA.


Sior Checo Nasavento,
     Mercante da formento,
     Bravissima persona
     Co qualche ruspio in cassa,
     5El veste a la carlona
     Un poco massa,
     E in barba a la decenza
     El porta in conseguenza
     Una velada
     10Sina che l'è fruada,
     Onta e bisonta,
     Dopara un veladon
     Gol so bravo tacon,
     Co la so zonta,
     15Avendo blus, paltò,
     I sachi, le marcine,

[p. 84 modifica]

     Indove le galine
     Fa el cocò;
     Infati uno de quei che certa zente
     20Filosofi ghe dise impropriamente.
Ai vinti de genaro
     Tranquilo Nasavento andava via
     Zirando in marceria
     Con un tabaro
     25Del tagio che se usava
     Ai tempi fortunai
     De Marco Caco,
     Che ghe arivava
     Al taco
     30Dei stivai,
     Facendoghe paura
     Ai tabari de moda povareti,
     Che ze in abreviatura,
     E par rocheti.
35Un de sti zizoloti
     Impertinenti, arditi,
     Figure da sberloti,
     Dei quali in tuti i siti
     El numero ze grando,
     40E fatalmente
     I se va propagando
     Imensamente,
     Credendo sto somaro
     L'amigo dal tabaro

[p. 85 modifica]

     45Un mamara, un tandan,
     Che no sapia dir pan,
     Se ghe caluma al fianco,
     Ghe squadra la persona,
     E po ghe dise franco:
     50— La perdona,
     Caro sior Nasavento,
     La mia curiosità,
     Vala, opur zela stà,
     A tegnir a batizzo in sto mumento? —
     55No, el ghe risponde — cresemo — ma intanto
     Che 'l proferisce suta sta parola
     Un sberloto ghe mola
     Da ogio santo,
     Che lo destira in strada,
     60E po tranquilo e quieto
     Se dà un'intabarada,
     E tira dreto.
Sta lizion gratuita
     Ghe ze andada de vita
     65Estremamente
     A qualchedun che s'à trovà presente,
     Ma sora tuto a chi del zizoloto
     El caratere tristo gera noto.

[p. 86 modifica]



Adesso che parlemo
     70I Nasavento
     Faria bisogno estremo
     Ogni mumento.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_cresema&oldid=39326"