La càmara de i sposi

Da Wikisource
Jump to navigation Jump to search

<dc:title> La càmara de i sposi <dc:creator opt:role="aut">Berto Barbarani</dc:creator> <dc:date>1900</dc:date> <dc:subject>Poesie</dc:subject> <dc:rights><a href="http://creativecommons.org/licenses/by-sa/3.0/deed.it">CC BY-SA 3.0</a></dc:rights> <dc:rights><a href="http://www.gnu.org/copyleft/fdl.html">GFDL</a></dc:rights> <dc:relation>Indice:Berto Barbarani, I due canzonieri, 1917.pdf</dc:relation> <dc:identifier>//vec.wikisource.org/w/index.php?title=La_c%C3%A0mara_de_i_sposi&oldid=-</dc:identifier> <dc:revisiondatestamp>20210414112726</dc:revisiondatestamp> //vec.wikisource.org/w/index.php?title=La_c%C3%A0mara_de_i_sposi&oldid=- 20210414112726

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 92 modifica]
LA CÀMARA DE I SPOSI.


     L'è una càmara alta, col sofito
fato su a travesei,
e soto a i travi el par che ghe sia scrito:
quà se fa de i putei!

     Gh'è un leto grando come un bastimento,
dove, quando i se mala,
el dotor, par tastar quei che gh'è drento,
el va su par 'na scala.

     A man drita del leto, gh'è una cassa
e dopo un careghin,1
e dopo ancora, un pochetin più bassa,
la cuna del putin;

[p. 93 modifica]


     da quel'altra un comò co i sfrisi2 bianchi
tuto tarmado su:
gh'è un ebreo che vol darghe çento franchi,
ma i partende de più!

     Su la finestra, al posto de un bel vaso
co le fiore più fine,
rente a rente, lì lì par darse un baso,
gh'è do suche marine.

     Tacadi al muro un gran filò de santi
i va in pelegrinaio,
e su par aria, in çima a tuti quanti,
un salame da l'aio!

     'Na cassa, el leto, quatro santi, i fruti
e du sposi contenti,
questo l'è quanto: su par zo i è tuti
così sti apartamenti!


Note
  1. ↑ careghin: piccola scranna.
  2. ↑ sfrisi: intendi: intarsi.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_càmara_de_i_sposi&oldid=70515"