La Sortìa de Mestre
 |
Varda anca la vose Forte Marghera su Wikipedia. |
|
Edission original: |
La gloriosa epopea, MDCCCXLVIII-MDCCCXLIX, nei canti politici dei poeti contemporanei e del popolo d'Italia, a cura de Angelo Lanzerotti, Venezia, C. Ferrari, 1886 |
|
Fonte: |
| Edission e fonte ▼ |
Idea Napoleonica
Che sul globo terestre
Sarà sempre amirabile
4Xe la Sortia de Mestre.
S'a visto là dei spìriti
Che xe degni de storia,
Che per andar de secoli
8I lassarà memoria.
Saveu vualtri todeschi
E vu teston Giusepe
Saveu vu sior Radeschi
12Chi xe el General Pepe?
L'è quelo che quel zorno
V'à consolà da festa
Co poca zente atorno
16E sempre lu a la testa;
Che tuti el vol coparve,
E la so idea me piaze,
Perchè el vien a catarve
20Fin drente in te le case.
Ma quel no xe sta gnente,
Quelo xe sta un crostin;
Perchè ve curè un dente
24A amor del gran Manin;
Ve vegnarà, prometo
Ve vegnarà el bocon,
Bocon assae dureto
28Per vostra digestion;
Bocon ch'eficacissimo
Sarà per sofegarve,
E che Radeschi inabile
32Sarà de medicarve.
Credeme pur, spetevelo,
Meteve anzi in difesa,
Sta volta andarè a scondarve
36Pol darse in qualche Ciesa;
Ma lu anca là el ve pizega,
Badeghe al mìo consegio:
Da bravi via mochevela
40No ghe xe quanto el megio.
Perchè se gnente gnente
Ve intardighè un tantin
Solecitè la colera
44De Pepe e de Manin.
E alora po, de l'Austria
No resterà ch'el nome,
Sarè a casa del Diavolo
48Senza poder dir come,
E sarè fortunai
Se la vostra memoria,
Per specio ai rinegai
52Indicarà la storia.
31 Ottobre.
- Un tramisier.