Ma lu anca là el ve pizega,
Badeghe al mìo consegio:
Da bravi via mochevela
40No ghe xe quanto el megio.
Perchè se gnente gnente
Ve intardighè un tantin
Solecitè la colera
44De Pepe e de Manin.
E alora po, de l'Austria
No resterà ch'el nome,
Sarè a casa del Diavolo
48Senza poder dir come,
E sarè fortunai
Se la vostra memoria,
Per specio ai rinegai
52Indicarà la storia.
31 Ottobre.
- Un tramisier.
Quanto la me va mal, povero Nando!
La Boemia, Croazia, l'Ungheria,
E la bela Venezia, e Lombardia,
4E un toco de Polonia à tolto el bando.
Donca de queste no go pi el comando?
E dir no podarò l'è roba mia?
Per mi serto a sto mondo l'è fìnìa,
8E se Dio no provede so a sercando.
A Londra Meternich no me vuò,
Che m'à ridoto a sto cativo stato;
11Ma la vita, se posso, salvarò.
