La Lezion

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
La Lezion
XVIII secolo
Edission e fonte ▼
Altra edizion: La Lizion (1845)
[p. 70 modifica]
LA LEZION


Che bel cielo! propio belo!
     La colina stamatina
     Xe superba; fina l'erba
     Par più verde; no se perde
     5Gnanca un fior.
     E st'arieta! benedeta!
     La va al cuor.
Fè un servizio, don Fabrizio,
     Condusèlo sto putelo
     10Verso 'l monte, per le sconte,
     Drio 'l boscheto... l'è un mièto
     E mezzo al più.
     Za ghe giova; po se prova,
     Caro vu.
15Qua el fa chiasso.... a spasso, a spasso,
     Che no vogio più sto imbrogio;
     Podè andando, chiacolando
     Farghe scuola; la parola
     Dà lezion.
     20Stuzzeghèghe, scozzonèghe
     La rason.

[p. 71 modifica]

Dov'el sia mo?... Zise, via
     Col maestro... Che bel estro?
     Xestu mato? zo quel gato...
     25Che sempiezzi, che strighezzi
     Ch'el se tien!
     Oe, la mama che te chiama...
     Va là..., el vien.

El regazzo gh'è za in brazzo.
     30La scooleta, presto, Beta...
     Sta su dreto... tiò 'l pometo,
     Supia el naso... dame un baso;
     Zo 'l colar.
     Via, batochio;... l'abia ochio...
(a don Fabr.)
     35E no suar. (al putelo).
El tol suso, for da un buso
     De la stala la so bala.
     L'à in scarsela una burela,
     Quatro nose, e un bel Dose
     40In marzapan;
     El subioto, un pomo coto,
     E piombè in man.
Don Fabrizio tol l'ufizio,
     I so guanti, e marchia avanti
     45Motivando, cantuzzando
     Tantum ergo. Zise a tergo
     In sol - do - rè
     Ghe fa fiò - fiofiò - fiò
     Col so piombè.

[p. 72 modifica]

50Scorabiando, matizzando
     Spesso Zise: En diga (el dise)
     Chente chele, tossa xele,
     Sion maento! L'è un tormento!
     Se nol sa!
     55Zuche tonde (el ghe risponde)
     Tasè là.
I se avanza, e in lontananza
     Là de fronte a pie del monte
     Sau ch'il vede! Palamede
     60Quel da Como: quel bel omo!
     No capì?
     Quel che gera l'altra sera
     Qua con mi.
Don Fabrizio conosseva
     65Palamede; e fa 'l giudizio
     Ch'el doveva co 'l lo vede.
     Ma 'l putelo (come spesso
     Fa tre quarti del bel sesso)
     Mal a pena l'à vardà,
     70Che à za visto e giudicà.
Oh to gando! (el dise) quando
     A redosso da una ciesa
     El ghe vede per da drio
     Un altr'omo spontar su,
     75Alto tanto più de lu.
     Figurève che sorpresa!
     El lo varda incocalìo:

[p. 73 modifica]

     Vanda pento, sion maento
     Ta le piante gh'è un zigante,
     80Da dio via vien su Golia.
     Capia l'otica ignoranza
     Del putelo, per difeto
     De pensar a la distanza
     E a la base de l'ogeto.
85Eco (dise don Fabrizio)
     El mumento mo propizio
     De poder co la lezion
     Scozzonarghe la rason.
     Golia, caro? andèmo su
     90E vedèmo se l'è lu.

El ghe branca una manina,
     E i va su per la colina.
     Palaméde giusto in quelo
     Fava in zo l'istessa strada;
     95El lo incontra col putelo,
     Ma 'l putelo no ghe bada,
     Che 'l lo crede tal e qual
     Che 'l l'à visto poco prima,
     Un bel'omo; lu mo stima
     100Più un zigante natural.
Ma più suso de là un poco:
     Vegni quà mo, sior aloco,
     (Dise 'l prete) vita mia,
     Questo xe 'l vostro Golia.
105Questo xe 'l vostro Golia.

[p. 74 modifica]

     E chi vedelo?
     Un ometo, un gobeto,
     Alto, longo
     Mezzo brazzo più d'un fongo,
     110Che dal sito dov'el stava,
     Visto là da la pianura
     De do quarte superava
     Palaméde de statura.
El regazzo resta là,
     115Contemplandolo incantà:
     Golia chento, sion maento?
     To gobeto! l'è un ragneto!
     — Oh l'au visto? imparè, sior,
     E lighevela mo al cuor:
120Che bisogna esaminar,
     Confrontar e separar,
     Per poder ben giudicar.
E pol andar a pati a l'Ospeal
     Chi senza st'avertenza misurando,
     125Confonde co la statua 'l pedestal.
L'omo dreto, belo, grando
     Tanto a basso, che qua su
     L'aveu visto? el resta lu,
     Tal e qual l'à Dio formà.
130Se va 'l gobo rampegando
     Per da drio sora de lu...
     Ben; l'è un gobo che à da su,
     Che la goba à sublimà.

[p. 75 modifica]

     Vienlo zo mo dal so scagno?
     135El gobeto, povareto,
     Resta un ragno. Velo là

Don Fabrizio co giudizio
     La lezion à fenio qua;
     E po a casa col putelo
     140A bel belo l'è tornà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_Lezion&oldid=68344"