L'Addio

by Giovanni Battista Bada

3 L'Addio Giovanni Battista Bada XIX Soneti

Indice:Collezione delle migliori opere scritte in dialetto veneziano 12.djvu

Giovanni Battista Bada

L'Addio

XIX secolo

Edission original:	Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 12.djvu

Edission e fonte ▼

L'ADDIO

Za che, per bontà vostra, son costreto
     De doverve lassar, anema mia,
     Permetème un adio co sto Soneto
     4Che l' ultimo vorè fursi ch'el sia.

Sapiè peraltro che tranquilo e lieto,
     Cara, dal vostro fianco vago via;
     Che se ò da dir el vero mì, in efeto
     8Gera stufo de starve in compagnia.

Nè ve aspetessi mai, che con impianti
     Ve vegnisse a zurar d'aver gran pena
     11Nel doverve lassar come fa tanti;

Perchè Amor m'à ligà d'una caena
     De quele che in tragedia i comedianti
     14Adopera de lata in su la scena.