Invocazion (Orlando Orlandini)
|
Edission original: |
Nando, "Salata e rucola – Poesie in dialeto venezian", 1902 |
|
Fonte: |
http://invenessian.blogspot.com/2010/03/orlando-orlandini.html |
| Edission e fonte ▼ |
Cara, graziosa, bona, brava, bela,
bocoleto de rosa, zensamin,
ragio de vivo sol, sluzente stela,
4fior odoroso, pianta de zardin,
colomba, lodoleta, tortorela,
crema, butiro, late, bombonsin,
de la pase dei cuori ladronsela,
8maga, strigona, zucaro, bambin,
scrigno de zogie, perla, gilgio d’oro,
anzoleto del çiel, tesoro santo,
11nele pene e aflizion dolse ristoro,
de l’omo vita, contentezza e vanto,
de quanto xe creà più bel lavoro,
14o che ti moli un ponto... o che te pianto.