Ingordi marineri e negozianti
|
Edission original: |
Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 4.djvu |
| ← LXVI | Edission e fonte ▼ | LXVIII → |
Ingordi marineri e negozianti,
Che per oro andè a farve sacagnar
Fin a l'Indie e al Perù senza stimar
4Pericoli e suòri, Dio sa quanti!
A rischio de restar tra scogi franti,
Che in la so panza ve ingiotissa el mar,
Da orche e balene farve mastruzzar,
8Come se sente a dir de tanti e tanti;
No andè no là in quei grebani a cazzarve,
Corè da la me Nina, che Natura
11Ghe n'à regalà tanto da saziarve:
E confessar lassarò dopo a vu,
Se come quel che à in testa sta creatura,
14Ghe n'à gnanca, per sbrio, l'Indie e'l Perù.