In strada

Da Wikisource
Salta a ła navigasion Salta a ła riserca
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Giovanni CeriottoPoesie veronesi, Seconda edizione accresciuta, Verona, Remigio Cabianca editore, 1911

 Fonte:

Indice:Poesie veronesi (Giovanni Ceriotto).djvu

←  La piassarota Edission e fonte ▼ Un orto poareto  →
[p. 24 modifica]
In strada


     Era lì, lì, par dirghe a me morosa,
tante cose che 'l cor l'avea tasù:
era lì, par ofrirghe qualche rosa,
quel fior che a darghe no avea mai podù.1

     Cos'ala visto quela bela tosa,
cosa gh'è vegnù in mente de far sù...
fato sta che l'à visto qualche cosa,
che, serto, a ela, g'à d'aver podù.2

     La m'è vegnuda rossa e senza farme
un moto, che podesse regolarme,
la m'à lassado lì co 'na paura...

     m'ò guardà a torno, m'ò posà a un fanal...
el me cor l'à ciapà 'na ponsidura
e a la me rosa gh'è vegnudo mal!



Note
  1. podù (1): potuto
  2. podù (2): rincresciuto
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=In_strada&oldid=52383"