In quel che un bocoleto destacava

by Gian Giacomo Mazzolà

3 LVIII I cavei de Nina LVII LIX Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

LVIII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  LVII

Edission e fonte ▼

LIX  →

LVIII

In quel che un bocoleto destacava
     Un dì la Nina da un roser, vien ponta
     In t'un deeto de una man da un'Ava,
     4Che per suzzarlo se ghe gera sconta.

Co la ga ben sentìo che ghe brusava,
     Inver mi, ohi! ohi! zigando, la cor pronta,
     E mentre 'l deo de lagreme la lava
     8Del becon e de l'Ava la me conta.

Ma quel, la dise, che stupir me fa
     Xe questo, che culìa co la so Coa,
     11E no col besevegio m'à becà.

Che maravegie! gh'ò resposto mi;
     No ti m'à becà el cuor ti co la toa?
     14No ti me 'l bechi tuto el santo dì?