In morte d'un gato

by Giglio Padovan

3 In morte d’un gato Rime in dialetto veneto di Polifemo Acca La mia contrada El soco moderno Giglio Padovan 1875 XIX Poesie triestin

Indice:Rime in dialetto veneto di Polifemo Acca.djvu

Giglio Padovan ―  Rime in dialetto veneto di Polifemo Acca

In morte d’un gato

1875

Edission original:	Giglio Padovan, Rime in dialetto veneto di Polifemo Acca, Trieste, Appolonio & Caprin, 1875
Fonte:	Indice:Rime in dialetto veneto di Polifemo Acca.djvu

←  La mia contrada

Edission e fonte ▼

El soco moderno  →

IN MORTE D’UN GATO

     El mio povero Miceto,
Se savessi.... l'è crepà!
El par proprio un anzoleto
Su la bara indormenzà.

     Quando penso, benedeto,
Che ’l veniva la matina
Cufolarse a piè del leto,
A filar¹ la romanzina;

     Co pulito el destirava
Le zatine su la tola,
Con che grazia el me robava
El bisato o la brisiola,

     Se me strazza el cuor nel peto,
No me rege più i zenoci:
Deme, deme un fazzoleto,
Go le lagrime nei oci.

     Ma xe inutili sti pianti:
Dio l'à messo za fra i santi:
L’à volesto, e cussì sia...
— Scoazzer, portèlo via.

---

Note

1. Il ronfare del gatto.