La mia contrada

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 13 modifica]
LA MIA CONTRADA. (1873)


     Che no i me parla de la via Toledo,1
Dei bacani de Londra o de Parigi;
Per carità, che no i me vegna fora
Con Babilonia, Sodoma e Gomora,
Co i urli de le done e dei putei
Quando el Vesuvio à sofegà Pompei:
Chi voi veder l'inferno in miniatura
E fra quel tananai2 perder la recia.
Che vegna, cazza, a la Bariera Vecia.
     Se 'l matutin chichirichì del galo
A desmissià l’apostolo San Piero,
Qua tenori e baritoni sfogai
Co mastele de rave e petorai;
Conzaori de lastre e de fersore.
Negozianti de sorbole e de more,

[p. 14 modifica]

Luganeghe, persuto e castradina,
Da la roba più scarta a la più fina:
Fritole, peverini e mandolato,
Da i boconi de lusso a quei del gato,

     Se no ve basta el son de la manera
Ch’ogni momento fa stremir la tera,
Sentirè le sbragiae de qualche mulo
Che mostra i quarti d’ombolo e straculo;
Un tibidoi3 de babe che va in ziro
Tastando fruti, pan, lardo e butiro,
De massere che strila, che tempesta,
E se sgrafa e se petena la cresta.

     Framezo a i picapiere in gran funzion
Per far la strada a schena de molton,
Scoazzeri che mena el sbrufaor
Lavandoghe le braghe a qualche sior,
Qua vedarè passar la filastroca
Dei militi che porta la pagnoca;
I civici pompieri in piena festa
Col speo sul fianco e la pignata in testa.

     Zo d'ogni banda capita una fola
De menuagia che vien via de scola;
De machinisti, fravi, marangoni,
Fachini, laoranti e de garzoni;

[p. 15 modifica]

Tintori, pegoloti, calafai,
Boteri, farinoti e manoai;
Modiste, sartorele e sessolote4
Che porta i fiochi su le scarpe rote,

     Varè che confusion, che bissabova!
Tute le case par che le se mova
Drio sta furia de cari e de cavai,
De manzi e muli, d’aseni e castrai,
Che se sbanda, che bulega, che salta,
Se da drento da orbi e se rebalta,
Svola i cazzoti;5 canadindie, ombrele,
In fregole va su fina le stele,
I se ciapa, i se rondola per tera
Come la tigre e come la pantera.
Va sotosora tuta la contrada
Insina che non vien la peverada,6
Che a son de bote e co la renga fora
Li strassina tra i fischi in gatamora,
Intanto che se vede portar via:
Caco7 a San Giusto,8 Alcide in specieria,



Note
  1. A Napoli.
  2. Strepiti.
  3. Rumore confuso.
  4. Quelle che servono nei magazzeni.
  5. Pugni.
  6. Pattuglia.
  7. Il centauro Caco venne ucciso da Ercole od Alcide.
  8. Alla cappella dei morti.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_mia_contrada&oldid=71032"