In cesa
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← Le malissie de le done | Edission e fonte ▼ | Maridèmose → |
IN CESA
La me morosa quando che l’è in Cesa,
Se l’è sola, la sta con devossion,
La dise la corona tuta o mesa
Sentà su ’na carega o in zenocion,
Ma se l'è co’ la Togna o la Taresa,
O co’ le amighe del so camilion,
La taca a batolar sora la spesa
E le saludo Cristo e relijon!....
Cos’èto pagà l’oio... a quanto el sal?...
Se ’l se càta, l’è grassa che la còla...1
— Ghe n’èto ti polenta?... no ghè mal.
— Mi no ghe n’ò che per ’na volta sola... —
E quando la desmete ’sta sonàda,
La Messa ormai l’è bela e terminada!
- Note
- ↑ grassa che la cola ― è una gran fortuna.