In camposanto!

by Vittorio Vitturi

3 In camposanto! Strade e vicoli La sagra del Rosario La mama e la maestra Vittorio Vitturi 1907 XX Poesie veronese

Indice:Strade e vicoli.djvu

Vittorio Vitturi ―  Strade e vicoli

In camposanto!

1907

Edission original:	Vittorio Vitturi, Strade e vicoli, Rime veronesi, Verona, Fratelli Drucker editori, 1907
Fonte:	Indice:Strade e vicoli.djvu

←  La sagra del Rosario

Edission e fonte ▼

La mama e la maestra  →

IN CAMPOSANTO!

     Oh, quante e quante lagrime se spande,
Sora de le pierete¹ in camposanto;
                         Ci pol sugàr² quel pianto?
El dolor de la morte l'è el più grande!

     Oh, quante croce piturade in nero,
Quanti ricordi de i più grandi amori:
                         E parchè tanti fiori?
L’è el giardin de la morte el cimitero!

     Oh, cara, questa tera benedeta...
Su i pori morti, come tante stele,
                         Brusa³ lumi e candele,
E se prega de cor ne la ceseta!

---

Note

1. [p. 100]Pierete: tumoli
2. [p. 100]sugar: asciugare
3. [p. 100]brusa: bruciano.