In campielo
|
Edission original: |
Bepi Larese, "Sginzi de aqua salsa. Primi versi, 1902-1904", Edizioni Grassi |
|
Fonte: |
http://invenessian.blogspot.com/2010/02/giuseppe-larese.html |
| Edission e fonte ▼ |
Vedo de qua e de là nel campieleto
sentae le vecie meze indormenzae;
vedo le tose arente al moroseto,
putei che zoga e fa le bastonae;
e atorno al pozzo vedo un bozzoleto
de done a ciacolar indafarae,
vedo coi mozzi al naso un puteleto
che pianze, se remena e dà peae;
e in un canton do done che taroca,
e tanta calda la quistion diventa
che le se salta adosso e le se dà,
e tuti core là e nissun le toca,
ma un per de questurini se presenta
e ‘l campielo se queta là per là.