Il Sofà

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Anton Maria Lamberti

Il Sofà

XVIII secolo

Edission original:	Collezione delle migliori opere scritte in dialetto veneziano, Volume primo: Poesie di Anton Maria Lamberti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 1.djvu

Edission e fonte ▼

Altra edizion: El sofà (1845)

[p. 46 modifica]

IL SOFA

Vicin a Nina
     Xe tuto incanto,
     E par che l'arte
     4Sia nata là;
     Ma quel che bisega
     Che m'urta tanto,
     Xe el so tempieto,
     8Xe el so sofà.
Se la vedessi!
     L'è un paradiso,
     Bisogna amarla
     12Da desparà;
     Gran bele cosse
     Che fa quel viso
     In quel tempieto,
     16Su quel sofà!

[p. 47 modifica]

Se del mistero
     Fra l'ombre care
     L'Amor da rente
     20Se gh'à sentà,
     Sempre gh'à parso
     Star co so mare
     In quel tempieto,
     24Su quel sofà.
In sin che vivo
     Mi vogio amarla,
     E mi felice
     28Se me vien dà
     De dir sta cossa,
     De replicarla
     In quel tempieto,
     32Su quel sofà.
Vu che voressi
     Sbregarme via,
     Voria mo' veder
     36Che forza ga
     La vostra tanta
     Filosofia
     In quel tempieto,
     40Su quel sofà.
Mi za nol nego
     Che sta barona
     Gabia un matezzo
     44Che va al de là;

[p. 48 modifica]

     Ma oh Dio! chi è savia?
     Disè, che dóna?
     In t'un tempieto,
     48Sora un sofà?