El sofà
|
Edission original: |
Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845 |
|
Fonte: |
| Edission e fonte ▼ |
Vicin de Nina
Xe tuto incanto,
E par che l'arte
4Sia nata là;
Ma quel che bisega
Che m'urta tanto,
Xe 'l so tempieto,
8Xe 'l so sofà.
Se la vedessi!
L'è un paradiso,
Bisogna amarla
12Da desparà;
Gran bele cosse
Che fa quel viso
In quel tempieto,
16Su quel sofà!
Se del mistero
Fra l'ombre care
Amor da rente
20Se gh'à sentà,
Sempre ga parso
Star co so mare
In quel tempieto,
24Su quel sofà.
In sin che vivo
Mi vogio amarla,
E mi felice
28Se me vien dà
De dir sta cossa,
De replicarla
In quel tempieto,
32Su quel sofà.
Vu che voressi
Sbregarme via,
Voria mo veder
36Che forza ga
La vostra tanta
Filosofia
In quel tempieto,
40Su quel sofà.
Mi za nol nego
Che sta barona
Gabia un matezzo
44Che va al de là;
Ma oh dio! chi è savia?
Disè, che dona?
In t'un tempieto,
48Sora un sofà?