Il Podestà
|
Edission original: |
Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 12.djvu |
| Edission e fonte ▼ |
Terminà el Regimento, a un Podestà
Ga fato da un regazzo la Cità
Recitar in latin un'Orazion:
Ma lu gera un c...
5Che no capìa el latin:
L'avea però vicin
El Cancelier che molto lo intendea,
E a lu l'a dimandà, cossa che avea
Dito el regazzo in pien
10Co quela so' Orazion.
Risposto à el Cancelier, che in conclusion
Le lode la contien
De la so' casa. Infati
Per casa elo intendeva i so antenati,
15Ma el Podestà à capìo tuto a roverso,
E credea viceverso
Che l'intendesse del Palazzo dir,
Fato da lu da novo costruir.
Fenìa po l'Orazion, dal Podestà,
20Per basarghe la man, el puto è andà,
E a questo lu ga dito:
Amigo, ve ringrazio che pulito
Avè dà de le lode a casa mia,
Ma bisognà averìa
25Che visti avessi tuti i mii mezai
Che ò da novo adobai,
Mentre seguro vu
Averessi podesto dir de più.
E questi gera quei
30Che andava a governar Cità e Castei.