Il Papagallo
|
Edission original: |
Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 12.djvu |
| Edission e fonte ▼ |
Aveva un Papagà
Una Dona comprà,
E questo ghe servìa
4De distrazion qualche ora e compagnìa.
Col tempo gera bon
La lo tegnìa al balcon,
E ripeter la ghe fava
8Quele parole che la ghe insegnava.
Un Medego passava
In quelo che insegnava
Al picolo anemal
12Parole, giusto el solito, sta tal.
Ti è beco, ghe disea
La Dona; e ripetea,
Ti è beco, el Papagà:
16E 'l Medego a sentirlo s'è fermà.
Vedendo ela el Dotor
Fermà, ridea de cuor,
Pensando ch'el credesse,
20Che a lu el so Papagà, beco disesse.
El Medego mo acorto,
De questo s'è inacorto,
E co le quiete alora
24À dito francamente a la Signora:
Parona, vu ridè,
Ma no savè 'l perchè
Beco el me diga; ond'eco
28A dirve mì perchè 'l me chiama beco;
El tien elo in pensier
Che vu siè mia Mugier.
Co sta so' bizzaria
32L'à tratada el Dotor da buzevia.
Qualche volta è pungente
Anca el scherzo inocente.