Il Milione/115
|
Edission original: |
Il Milione veneto : ms. CM 211 della Biblioteca civica di Padova, |
|
Fonte: |
http://www.classicitaliani.it/duecento/Polo_Milione_01.htm |
| ← CAPITOLO CXIV | Edission e fonte ▼ | CAPITOLO CXVI → |
- De Cingianfu, ove è doe giexie de cristiani; della zità de Tangigui, dove queli che la prexeno fono tuti morti; et altre cosse.
Cingianfu è una zità de Mangi o' se fa molti lavorieri d'oro et de seta.
Et ène do giexie de cristiani nestorini, le qual fè' far Marsachis veschovo: fo segnior in quella zità per el Gran Chaam, ano domini MCCLXXVIII.
E quando l'omo se parte della zità de Cingianfu, el va tre zornade per sirocho tuta fiata trovando chastelle de gran arte et de merchadantie.
E in chavo de tre zornate se truova la zità de Tingigui, molto nobelle e granda, là dove è abondanzia de tute chosse da viver.
Quando Baian andava chonquistando la provinzia de Mangi per el Gran Chaan, el mandò una zente che era apelata Alani a prender questa zità, et erano cristiani.
Questi Alani chonbatereno la zità, e sì la prexeno perché la zente della tera se rendéno a questi Allani.
Si trovàno grande abondanzia de bon vino, e bevéno tanto che la sera fono tuti ebrii e dormentòsse tuti.
Quando quelli dela zità videno ziò, i alzixeno tuti sì che non deschanpò nisuno.
E Baian, quando l'ave intexo questo, mandò uno gran oste e prexe la zità per forza, e sì arse tuti i omeni dela tera per vendeta de ziò che i aveva fato de queli Alani.