Il Milione/114

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Anonimo

Il Milione
(versione veneta)

CAPITOLO CXIV

XIV secolo

Edission original:	Il Milione veneto : ms. CM 211 della Biblioteca civica di Padova, Barbieri, Alvaro (a c. di), Andreose, Alvise (a c. di), Mauro, Marina (a c. di), Renzi, Lorenzo (a c. di), Marsilio, Venezia, 1999
Fonte:	http://www.classicitaliani.it/duecento/Polo_Milione_01.htm http://www.bibliotecaitaliana.it/testo/bibit000514

← CAPITOLO CXIII

Edission e fonte ▼

CAPITOLO CXV →

antica traduzion veneta de anonimo autore de Il Milione de Marco Polo

De Chaigui, ove nasie tanta biava.

Mangui è una pizolla zità sopra questo fiume verso sirocho, in la qual se rechoie grandisima quantità de biava e de rixo, e portasse ala chorte del Gran Chaan, alla grande zità de Chanbellu.

Non intender ch'i vadano per mar, ma vano per fiumi e per lagi.

E sapiate che gran partita della chorte del Gran Chaan viveno della biava che sse aduxe de quella zità a quella de Chanbellu, <...> azio che d'uno fiume se possa menar in altro o in lagi o in questi fossi, sì che le nave si può andar da questa zità defina Chanbelu.

E anchora se pò andar per tera da Mangui fina a Chanbelu.

Per me' questa zità de Chaingui è una ixolla in mezo el fiume, sul qual è uno monestier de munexi idolatri, <in> la qual el n'è de molti altri monestieri.

E in quel monestier è ben duxento de queli munexi, et ène grande quantità de idolle.