Il Baffo che parla dal mondo di là
|
Edission original: |
Collezione delle migliori opere scritte in dialetto veneziano, Volume decimo: Poesie satiriche di Angelo Maria Labia, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 10.djvu |
| Edission e fonte ▼ |
Per aver scrito mi certe Poesie
Che Omeni e Done s’à scandalizà,
E che à fato ch’el culo m’ò scotà,
4E paga el fio de tante porcarìe,
A scriver in favor son obligà
De la Santa Fede e de le Fraterìe,
Za ch’una è andada, e l’altre xe spedìe,
8Per quel che se descore anca de qua.
Le gran cosse se conta qua in sto logo!
Tuti cria, tuti pianze e tuti ciga
11Perchè l’aque sechè che stua sto fogo!
Pari, mare, fradei, zermani, amiga,
Qual el fin sarà un zorno de sto zogo
14Vol, da parte de Dio, che mi ve diga.
Che bela rima in iga
Che gaverìa tra tante che ò fat’uso!
17Ma no la posso dir perchè me bruso.