Giuda

by Giglio Padovan

4 Giuda Giglio Padovan XIX Soneti triestin

Indice:Trieste vernacola.djvu

Giglio Padovan

Giuda

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

GIUDA.

Eco Scariòt che sogna el tradimento
E se desmissia¹ co la borsa in man;
Ma Satana lo guanta² in quel momento
Urlando: Son qua mi, razza de can.

Giuda ghe sbrissa via³ pien de spavento,
Fra le zate⁴ lassandoghe 'l pastran,
E cento cale traversando e cento
Ne l'orto el ve se fica del piovan.

Meterse 'l lazzo sora un gran figher
E cascar zoso come un pero gnoco,
Xe la storia d'un lampo, d'un pensier;

Ma 'l diavolo, più forca⁵ e più lizier,
Rompe co i denti a la cravata el fioco
E ghe mete un cordon da cavalier.

Dialetto istriano.

---

Note

1. se desmissia, si risveglia
2. lo guanta, lo agguanta, lo afferra
3. ghe sbrissa via, gli scivola di mano
4. zate, zampe, artigli
5. più forca, più astuto, più esperto